სტარტი აიღო FIDE-ს მსოფლიო თასმა 8, 10 და 12 წლამდე მოჭადრაკეთა შორის

2026 წლის 15-28 ივნისს, ქალაქი ბათუმი მესამედ მასპინძლობს წლის ერთ-ერთ ყველაზე მნიშვნელოვან ტურნირს საერთაშორისო საჭადრაკო ფედერაციის კალენდარში — ფიდეს მსოფლიო თასი 8-12 წლამდე ჭაბუკთა და გოგონათა შორის. ჩემპიონატი იმართება საერთაშორისო საჭადრაკო ფედერაციის (FIDE), საქართველოს ჭადრაკის ფედერაციის ორგანიზებითა და აჭარის ჭადრაკის ფედერაციის ორგანიზებით.

ღონისძიების მხარდამჭერები არიან: საქართველოს სპორტის სამინისტრო, აჭარის მთავრობა, აჭარის სპორტის სამინისტრო და დეპარტამენტი, ქ. ბათუმის მერია, აჭარის ჯანდაცვის სამინისტრო და აჭარის ტურიზმისა და კურორტების დეპარტამენტი.

აღსანიშნავია, რომ წელს მსოფლიო თასი ახალი ფორმატით ტარდება და ის მსოფლიო ჩემპიონატის ციკლის ნაწილია. ყოველი ასაკის გამარჯვებული სამეული მოიპოვებს მსოფლიო ჩემპიონატის საგზურის.

ტურნირის სათამაშო დარბაზებია სასტუმრო ”გრანდ ბელაჯიოში” და ”ეუფორიაში”. ასპარეზობაში მონაწილეობს 68- ქვეყნის 700-მდე სპორტსმენი.

შეჯიბრება იმართება შვეიცარული სისტემით 11 ტურად. თითოეულ მოთამაშეს მიეცემა 90 წუთი პარტიისთვის, 30 წამის დამატებით თითოეულ სვლაზე.

ღონისძიების გახსნის ცერემონიას ესწრებოდნენ: FIDE-ს განსაკუთრებულ დავალებათა დირექტორი და საქართველოს ჭადრაკის ფედერაციის პრეზიდენტი აკაკი იაშვილი, აჭარის განათლებისა და სპორტის მინისტრის მოადგილე ირაკლი აბულაძე, აჭარის სპორტის დეპარტამენტის უფროსი ირმა ნიჟარაძე, მოადგილე ასლან ბალაძე და აჭარის ჭადრაკის ფედერაციის პრეზიდენტი სალომე მელია.

ტურნირის ყველა პარტია პირდაპირი ტრანსლაციით გადაიცემა.

ტურნირი ტარდება 6 კატეგორიად: