აჭარის ჭადრაკის ფედერაციის ორგანიზებით, 22 ივლისს , მუხრან ვახტანგაძის სახელობის ბათუმის სპორტის სასახლეში 8,10,12 და 20 წლამდე ახალგაზრდებს შორის სტარტი აიღო საერთაშორისო საჭადრაკო ფესტივალმა ”ბათუმი-2026”.
ტურნირის ფინანსური მხარდამჭერია აჭარის სპორტის დეპარტამენტი.
ფესტივალის კატეგორიები:
- 8 წლამდე ღია კატეგორია;
- 10 წლამდე ღია კატეგორია;
- 12 წლამდე ღია კატეგორია;
- 20 წლამდე ღია კატეგორია – რეიტინგ ტურნირი.
სისტემა და კვალიფიკაცია:
ფესტივალის ყოველი ასაკობრივი კატეგორია იმართება ფიდეს წესებით, შვეიცარული სისტემით, 7 ტურად. დროის კონტროლი: 60 წუთი პარტიის ბოლომდე, ყოველ სვლაზე 30 წამის დამატებით. 20 წლამდე ასაკობრივ კატეგორიაში ითვლება ფიდე-ს რეიტინგი.
ღონისძიებაში ჩართულია 100-ზე მეტი სპორტსმენი წარმოდგენილი მსოფლიოს სხვადასხვა ქვეყნიდან: საქართველო, ამერიკა, უკრაინა, სომხეთი და ფიდეს დროშით მოასპარეზენი.
26 ივლისს, ფესტივალის ფარგლებში გაიმართება ‘’გია მახარაძის თასი’’ ელვისებურ ჭადრაკში – ღია და 12 წლამდე კატეგორიებში. დასაწყისი 17:00 სთ.
ღონისძიების ფოტოკოლაჟი:
