საქართველოს ჭადრაკის ფედერაციის ორგანიზებით, 3 – 12 აგვისტოს, თბილისის ჭადრაკის სასახლეში საქართველოს ჩემპიონატი 20 წლამდე ასაკის ჭაბუკთა და გოგონათა შორის – ”კახი ჩიგოგიძის თასი” გაიმართება.
ტურნირებში მონაწილეობის უფლება აქვს:
2002 წლის 1 იანვრის შემდეგ დაბადებული საქართველოს ჭადრაკის ფედერაციის წევრი ჭაბუკები და გოგონები.
სისტემა და კვალიფიკაცია:
ტურნირი ტარდება ფიდეს წესებით, შვეიცარიული სისტემით 9 ტურად.
ყოველ პარტიაზე თითოეულ მონაწილეს მიეცემა 90 წუთი პარტიის ბოლომდე, ყოველ სვლაზე (პირველი სვლიდან) 30 წამის დამატებით.
რეგისტრაცია და სატურნირო შესატანი:
მონაწილეებმა რეგისტრაციისას უნდა შეავსონ ონლაინ სარეგისტრაციო ფორმა – https://forms.gle/6h6UBHtLeR1BgHY18
ამავე ფორმაში უნდა ატვირთონ :
- დაბადების მოწმობის ასლი;
- საქართველოს ჭადრაკის ფედერაციის საბანკო ანგარიშზე ჩემპიონატის სატურნირო შესატანის გადარიცხვის დმადასტურებელი დოკუმენტი;
- შესაბამისი რეგიონული ჭადრაკის ფედერაციის საბანკო ანგარიშზე ფედერაციის წლიური საწევრო შესატანის (24 ლარი) გადარიცხვის დამადასტურებელი დოკუმენტი.
რეგისტრაციის ბოლო ვადაა 2022 წლის 2 აგვისტოს 18.00 საათამდე.
ნატა ალავიძე: ელ-ფოსტა – მობ: 558 11 86 83
თითოეული მონაწილის სატურნირო შესატანია – 25 ლარი (უნაღდო ანგარიშსწორებით).
საქართველოს ჭადრაკის ფედერაციის საბანკო რეკვიზიტები:
სს “თიბისი ბანკი”
საბანკო ანგარიში: GE45TB0313936080100006GEL საბანკო კოდი (მფო) – TBCBGE 22
ტურნირის განრიგი:
| ტური | რიცხვი | დრო |
| ჩამოსვლის დღე | 3 აგვისტო | |
| I ტურის კენჭისყრა | 4 აგვისტო | 12:00 |
| გახსნა | 4 აგვისტო | 15:00 |
| I ტური | 4 აგვისტო | 15:00 |
| II ტური | 5 აგვისტო | 15:00 |
| III ტური | 6 აგვისტო | 15:00 |
| IVტური | 7 აგვისტო | 15:00 |
| Vტური | 8 აგვისტო | 15:00 |
| VI ტური | 9 აგვისტო | 15:00 |
| VII ტური | 10 აგვისტო | 15:00 |
| VIII ტური | 11 აგვისტო | 15:00 |
| IX ტური | 12 აგვისტო | 15:00 |
| დახურვა | 12 აგვისტო | 19:00 |
გამარჯვებულები:
- I ადგილზე გასული მოჭადრაკეები დაჯილდოვდებიან თასებით.
- I-III ადგილზე გასული მოჭადრაკეები დაჯილდოვდებიან მედლებითა და დიპლომებით.
- I ადგილზე გასული მოჭადრაკეები მიიღებენ 20 წლამდე ასაკის მოჭადრაკეთა მსოფლიოს ჩემპიონატების საგზურებს.
- ჭაბუკთა შორის I ადგილზე გასული მოჭადრაკე მიიღებს 2023 წლის საქართველოს ვაჟთა 82-ე ჩემპიონატის უმაღლესი ლიგის საგზურს.
- გოგონათა შორის 1 ადგილზე გასული მოჭადრაკე მიიღებს 2023 წლის საქართველოს ქალთ მე-80 ჩემპიონატის უმაღლესი ლიგის საგზურს.
- 1 ადგილზე გასულ მოჭადრაკეებს მიენიჭებათ სპორტის ეროვნული ოსტატის წოდება (შესაბამისად ვაჟთა და ქალთა).
- II-III ადგილზე გასულ მოჭადრაკეებს მიენიჭებათ სპორტის ეროვნული ოსტატობის კანდიდატის წოდება.
კოვიდ – 19 -თან დაკავშირებით მონაწილეთა, მსაჯთა და ორგანიზატორთა ვალდებულებები დარეგულირდება რეგულაციების შესაბამისად.
ტურნირის დირექტორი: საერთაშორისო ორგანიზატორი – დათო კოდუა
მთავარი მსაჯი: საერთაშორისო არბიტრი – მარგალიტა თანდაშვილი
