საქართველოს ქალთა 81-ე ჩემპიონატის უმაღლესი ლიგა

საქართველოს ჭადრაკის ფედერაციის ორგანიზებით, 8-18 თებერვალს, ქ. თბილისის ნონა გაფრინდაშვილის სახელობის ჭადრაკის სასახლეში, საქართველოს ქალთა 80-ე ჩემპიონატის უმაღლესი ლიგა გაიმართება.

ტურნირი ჩატარდება ფიდე-ს წესებით, წრიული სისტემით 10 მონაწილეს შორის, სადაც დაითვლება ფიდე-ს რეიტინგი. დროის კონტროლი: 90 წუთი 40 სვლაზე, შემდეგ 30 წუთი პარტიის ბოლომდე, ყოველ სვლაზე (პირველი სვლიდან) 30 წამის დამატებით.

უმაღლეს ლიგაში თამაშის უფლება აქვთ:

• საქართველოს ქალთა 80-ე ჩემპიონატზე 1-3 პრიზიორებს;
• საქართველოს 2023 წლის ქალთა ეროვნული ნაკრების წევრებს;
• საქართველოს ქალთა მე-81 ჩემპიონატის I ლიგაში 1-3 ადგილებზე გასულ მოჭადრაკეებს;
• უმაღლესი ლიგის ვაკანტური ადგილები შეივსება საქართველოს ჭადრაკის ფედერაციის ნომინაციით.

ტურნირის მონაწილენი:

1. ბელა ხოტენაშვილი
2. მერი არაბიძე
3. ნინო ბაციაშვილი
4. ლელა ჯავახიშვილი
5. სალომე მელია
6. კესარია მგელაძე
7. დიანა ლომაია
8. ნია დონღვანი
9. ანასტასია კირთაძე
10. მარიამ ცეცხლაძე

აღსანიშნავია, რომ უმაღლეს ლიგაში აჭარას 4 სპორტსმენი წარმოადგენს: ნინო ბაციაშვილი, სალომე მელია, კესარია მგელაძე და მარიამ ცეცხლაძე.

ტურნირის განრიგი:

გამარჯვებულნი:

• I ადგილზე გასული მოჭადრაკე დასახელდება საქართველოს ქალთა ნაკრების წევრობის კანდიდატად;
• I-III ადგილზე გასული მოჭადრაკეები დაფინანსდებიან 2024 წლის ევროპის ქალთა ჩემპიონატზე, ასევე, დაიშვებიან 2025 წლის საქართველოს ქალთა 82-ე ჩემპიონატის უმაღლეს ლიგაში.

დაჯილდოება:

• 1-3 ადგილზე გასული მოჭადრაკეები დაჯილდოვდებიან თასებით, მედლებითა დადიპლომებით;
• 1-8 ადგილზე გასული მოჭადრაკეები დაჯილდოვდებიან ფულადი პრიზებით

საპრიზო ფონდი: 30 000 ლარი.

ტურნირის დირექტორი: საერთაშორისო ორგანიზატორი – დათო კოდუა

მტავარი მსაჯი: საერთაშორისო არბიტრი – მარგალიტა თანდაშვილი