“ნონა გაფრინდაშვილის თასი-2020” ქვეყანაში შექმნილი ეპიდსიტუაციის გათვალისწინებით ონლაინ სივრცეში გაიმართება. 3-15 ნოემბერი, საჭადრაკო პლატფორმა www.tornelo.com
ტურნირები:
1. ღია ტურნირი (I ეტაპი, II ეტაპი, ფინალი);
2. ქალთა ტურნირი (I ეტაპი, II ეტაპი, ფინალი).
თამაშის წესები:
დროის კონტროლი: 25 წუთი პარტიის ბოლომდე, ყოველ სვლაზე 5 წამის დამატებით. I და II ეტაპის ტურნირები ტარდება ფიდეს წესებით, შვეიცარული სისტემით 9 ტურად. ფინალური ტურნირები ოლიმპიური სისტემით.
ტურნირში მონაწილეობა:
1. ღია ტურნირის I ეტაპზე მონაწილეობა შეუძლიათ 2000< ფიდეს რეტინგის (სტანდარტი) მქონე მოჭადრაკეებს;
2. ღია ტურნირის II ეტაპზე მონაწილეობა შეუძლიათ 2001> ფიდეს რეტინგის (სტანდარტი) მქონე და I ეტაპზე 1-20 ადგილზე გასულ მოჭადრაკეებს;
3. ღია ტურნირის ფინალში მონაწილეობა შეუძლიათ II ეტაპზე 1-16 ადგილზე გასულ მოჭადრაკეებს;
4. ქალთა ტურნირის I ეტაპზე მონაწილეობა შეუძლიათ 1900< ფიდეს რეტინგის (სტანდარტი) მქონე მოჭადრაკეებს;
5. ქალთა ტურნირის II ეტაპზე მონაწილეობა შეუძლიათ 1901> ფიდეს რეტინგის (სტანდარტი) მქონე და I ეტაპზე 1-15 ადგილზე გასულ მოჭადრაკეებს;
6. ქალთა ტურნირის ფინალში მონაწილეობა შეუძლიათ II ეტაპზე 1-16 ადგილზე გასულ მოჭადრაკეებს;
რეგისტრაცია და სატურნირო შესატანი: 1. I და II ეტაპის ტურნირების მონაწილეებმა რეგისტრაციისას უნდა გადმოაგზავნონ შევსებული სარეგისტრაციო ფორმა (თან ერთვის), პირადობის მოწმობის ასლი, საქართველოს ჭადრაკის ფედერაციის საბანკო ანგარიშზე ჩემპიონატის სატურნირო შესატანის გადარიცხვის დამადასტურებელი დოკუმენტი 2020 წლის 1 ნოემბრის 18.00 საათამდე: ნატა ალავიძე: -ელ-ფოსტა – მობ: 558 11 86 83 ასევე ონლაინ რეგისტრაცია შესაძლებელია ბმულზე – https://forms.gle/Q6LKyLNh4VWQJWf29 საქართველოს ჭადრაკის ფედერაციის საბანკო რეკვიზიტები: სს “თიბისი ბანკი” საბანკო ანგარიში: GE45TB0313936080100006GEL საბანკო კოდი (მფო) – TBCBGE 22. რეგისტრაციის ბოლო ვადაა 2020 წლის 1 ნოემბრის 18.00 საათი. 2. სატურნირო შესატანი: I და II ეტაპის ტურნირებში – 50 ლარი; საერთაშორისო დიდოსტატები და ოსტატები განთავისუფლებულნი არიან სატურნირო შესატანისგან; მოჭადრაკე სატურნირო შესატანს იხდის მხოლოდ ერთ-ერთ ეტაპზე მონაწილეობისათვის. (მომდევნო ეტაპზე გადასვლის შემთხვევაში აღარ იხდის)
ღია და ქალთა ტურნირების განრიგი: I და II ეტაპის ტურნირები:
| ტური | I ეტაპი | II ეტაპი | ||
| ვებინარი და ტესტ ტურნირი | 3 ნოემბერი | 15:00 | 7 ნოემბერი | 15:00 |
| გახსნა | 4 ნოემბერი | 13:50 | 8 ნოემბერი | 13:50 |
| I ტური | 4 ნოემბერი | 14:00 | 8 ნოემბერი | 14:00 |
| II ტური | 4 ნოემბერი | 15:30 | 8 ნოემბერი | 15:30 |
| III ტური | 4 ნოემბერი | 17:00 | 8 ნოემბერი | 17:00 |
| IV ტური | 5 ნოემბერი | 14:00 | 9 ნოემბერი | 14:00 |
| V ტური | 5 ნოემბერი | 15:30 | 9 ნოემბერი | 15:30 |
| VI ტური | 5 ნოემბერი | 17:00 | 9 ნოემბერი | 17:00 |
| VII ტური | 6 ნოემბერი | 14:00 | 10ნოემბერი | 14:00 |
| VIII ტური | 6ნოემბერი | 15:30 | 10ნოემბერი | 15:30 |
| IX ტური | 6ნოემბერი | 17:00 | 10ნოემბერი | 17:00 |
| დახურვა | 6ნოემბერი | 18:30 | 10ნოემბერი | 18:30 |
ფინალური ტურნირები:
| ტური | დღე | საათი |
| გახსნა | 12 ნოემბერი | 13:50 |
| მე-8 ფინალი I ტური | 12 ნოემბერი | 14:00 |
| II ტური | 12 ნოემბერი | 15:30 |
| თაი-ბრეიქი | 12 ნოემბერი | 17:00 |
| მე-4 ფინალი I ტური | 13 ნოემბერი | 14:00 |
| II ტური | 13 ნოემბერი | 15:30 |
| თაი-ბრეიქი | 13 ნოემბერი | 17:00 |
| ნახევარფინალი I-IV და V-VIII ადგილი I ტური | 14 ნოემბერი | 14:00 |
| II ტური | 14 ნოემბერი | 15:30 |
| თაი-ბრეიქი | 14 ნოემბერი | 17:00 |
| ფინალი I-II, III-IV, V-VI, VII-VIII ადგილი I ტური | 15 ნოემბერი | 14:00 |
| II ტური | 15 ნოემბერი | 15:30 |
| თაი-ბრეიქი, დახურვა | 15 ნოემბერი | 17:00 |
ორგანიზატორი უფლებამოსილია, ტურნირის დაწყების დროის (საათი) შესაბამისი კორექტირება
მოახდინოს.
ტურნირებში I-III ადგილზე გასული მოჭადრაკეები დაჯილდოვდებიან ელექტრონული დიპლომებით და ფულადი პრიზებით;
საპრიზო ფონდი – 45 000 ლარი:
| ადგილი | I ეტაპი | II ეტაპი | ფინალი |
| I | 1000 | 1600 | 3500 |
| II | 800 | 1400 | 2600 |
| III | 600 | 1100 | 2100 |
| IV | 400 | 800 | 1900 |
| V | 300 | 700 | 1700 |
| VI | 200 | 600 | 1500 |
| VII | 100 | 500 | 1300 |
| VIII | 400 | 1100 | |
| U16 – I | 230 | ||
| U14 – I | 190 | ||
| U12 – I | 180 |
ქალთა ტურნირები:
| ადგილი | I ეტაპი | II ეტაპი | ფინალი |
| I | 600 | 1000 | 2700 |
| II | 400 | 800 | 2200 |
| III | 300 | 600 | 1900 |
| IV | 200 | 400 | 1600 |
| V | 100 | 300 | 1400 |
| VI | 200 | 1200 | |
| VII | 100 | 1000 | |
| VIII | 800 | ||
| U16 – I | 150 | ||
| U14 – I | 130 | ||
| U12 – I | 120 |
ყველა პრიზი დაიბეგრება საქართველოში მოქმედი ფინანსური კანონმდებლობის შესაბამისად;
თანაბარი ქულების შემთხვევაში პრიზები არ გაიყოფა. მონაწილეს გადაეცემა მხოლოდ ერთი უდიდესი პრიზი;
პრიზების მისაღებად სავალდებულოა პირადობის მოწმობის და საბანკო რეკვიზიტების გადაგზავნა 16 ნოემბრის 18:00 საათამდე -ელ-ფოსტაზე – მობ: 558 11 86 83 ნატა ალავიძე.
საერთო წესები:
ტურის დაწყებიდან 25 წუთზე მეტის დაგვიანების შემთხვევაში მონაწილეს ჩაეთვლება წაგება.
მონაწილის ტურნირიდან არასაპატიო მიზეზით გათიშვის შემთხვევაში გათვალისწინებულია სანქციები საქართველოს ჭადრაკის ფედერაციის პრეზიდენტის ბრძანების (#10. 20/01/2014 წ.) შესაბამისად.
ჩემპიონატში დაიშვებიან მხოლოდ ის მოჭადრაკეები რომლებიც ტურნირის მსვლელობის დროს, საკუთარი სახელი და გვარით სრულად ჩაერთვებიან ვიდეო ჯგუფში Zoom – ის მეშვეობით.მოჭადრაკეები Zoom -ში უნდა ჩაერთონ ტურის დაწყებამდე 30 წუთით ადრე და ტურის დასრულებამდე წყვეტის გარეშე უნდა ქონდეს ჩართული როგორც ვიდეო გამოსახულება, ასევე ხმოვანი სიგნალი. მოჭადრაკის Zoom – ის ვიდეო გამოსახულება მაქსიმალურად უნდა იყოს მიახლოვებული ფოტოზე აღნიშნულ გამოსახულებასთან, ანუ უნდა ჩანდეს მოჭადრაკე,კომპიუტერის მონიტორი, სათამაშო მაგიდა. მოჭადრაკე ვალდებულია ნებისმიერ დროს დააკმაყოფილოს მსაჯის მოთხოვნა და Zoom – ის საშუალებით დაათვალიერებინოს სათამაშო სივრცე.
არცერთი ელექტრონული მოწყობილობის შეტანა არ შეიძლება სათამაშო სივრცეში გარდა მონაწილის კომპიუტერისა და Zoom -ში ჩასართავი მოწყობილობისა (კომპიუტერი ან ტელეფონი).
მოჭადრაკე მიიღებს დისკვალიფიკაციას თუ აღმოჩნდება, რომ მან ტურნირის მსვლელობის დროს ისარგებლა კომპიუტერული პროგრამის ან სხვა პირის დახმარებით;
მოჭადრაკეს ჩაეთვლება წაგება თუ აღმოჩნდება, რომ მის სათამაშო სივრცეში (ოთახში) იმყოფება სხვა პირი.
კომპიუტერი რომლითაც მოჭადრაკე თამაშობს: უნდა იყოს გამორთული ნებისმიერი აპლიკაცია (სკაიპი, მესენჯერი და სხვა), არ უნდა იყოს გახსნილი არცერთი პროგრამა ან რაიმე გვერდი გარდა Zoom – ის აპლიკაციისა და სათამაშო ონლაინ პლატფორმისა.
პარტიების მსვლელობაზე განხორციელდება დაკვირვება მსაჯთა კოლეგიის მიერ;
მოჭადრაკე თვითონ არის პასუხისმგებელი საკუთარი ინტერნეტის უწყვეტობაზე. ინტერნეტის წყვეტის შემთხვევაში ის თამაშს გააგრძელებს ინტერნეტის აღდგენის დროს მის საათზე გამოსახული დროიდან.
განსაკუთრებულ შემთხვევაში, ინტერნეტის გლობალური პრობლემების გამო მთავარ მსაჯს აქვს უფლება გადადოს ერთი ან რამოდენიმე პარტია. ასევე აუცილებლობის შემთხვევაში, მთავარი მსაჯის გადაწყვეტილებით შესაძლებელია ტურის გადადება.
ნებისმიერ მონაწილეს შესაბამისი პარტიის დასრულებიდან 10 წუთის განმავლობაში უფლება აქვს გაასაჩივროს მსაჯთა კოლეგიის გადაწყვეტილება სააპელაციო კომიტეტში. მონაწილე ვალდებულია წერილობით პროტესტთან ერთად საქართველოს ჭადრაკის ფედერაციაში გადაიხადოს 50 ლარი, რომელიც პროტესტის დაკმაყოფილების შემთხვევაში უკან დაუბრუნდება. ინტერნეტთან დაკავშირებული პრობლემების გამო მთავარი მსაჯის გადაწყვეტილება გასაჩივრებას არ ექვემდებარება.
სააპელაციო კომიტეტი განიხილავს პატიოსანი თამაშის წესების დარღვევის (კომპიუტერული პროგრამების გამოყენების) შესახებ პროტესტებს.
ტურნირის მთავარი მსაჯი: საერთაშორისო არბიტრი – ალექსანდრე არსენიძე
ტურნირის დირექტორი: საერთაშორისო ორგანიზატორი – დათო კოდუა.
