ქართველი მოზარდების ბრწყინვალე გამოსვლა ევროპის სასკოლო ჩემპიონატზე! 

7 ივნიისს, რუმინეთის ქალაქ კონსტანტაში დასრულდა ევროპის სასკოლო ჩემპიონატი – 2025.

ღონისძიება 6 ასაკობრივ კატეგორიაში ჩატარდა: U7, U9, U11, U13, U15 და U17, ღია და გოგონათა შორის. თითოეული ტურნირი 9 ტურად გაიმართა, დროის კონტროლით 90 წუთი, 30 წამის დამატებით თითოეულ სვლაზე.

ჩემპიონატში 14 ევროპული ფედერაციის 200-ზე მეტი მოთამაშე მონაწილეობდა, ხოლო საქართველოს სახელით 15 სპორტსმენი ასპარეზობდა.

აღსანიშნავია, რომ ჩვენმა წარმომადგენლებმა 8 მედალი მოიპოვეს და გუნდურ ჩათვლაში მეორე ადგილი დაიკავეს!

ქართველი მოჭადრაკეების ინდივიდუალური შედეგები:

ლილე სვანაძე – I ადგილი (9 წლამდდე გოგონათა შორის) 9-დან 8.5 ქულა

სარა სალთხუციშვილი – I ადგილი (11 წლამდე გოგონათა შორის) 9-დან 8 ქულა

გაბრიელ გაბადაძე – I ადგილი (13 წლამდე ჭაბუკთა შორის) 9-დან 7.5 ქულა

ანდრია კვირიაშვილი – I ადგილი (15 წლამდე ჭაბუკთა შორის) 7-დან 5.5 ქულა

ბარბარე აშოთია – II ადგილი (15 წლამდე გოგონათა შორის) 9-დან 6 ქულა

დავით თათვიძე – II ადგილი (13 წლამდე ჭაბუკთა შორის) 9-დან 7.5 ქულა

თეკლა კოღუაშვილი – III ადგილი (15 წლამდე გოგონათა შორის) 9-დან 5.5 ქულა

ერეკლე ტაბატაძე – III ადგილი (15 წლამდე ჭაბუკთა შორის) 7-დან 5 ქულა