17-24 ნოემბერს, ესპანეთის ლეგენდარულ ჭადრაკის ქალაქში, ლინარესში FIDE-ს ქალთა მსოფლიო გუნდური ჩემპიონატი გაიმართება .
ტურნირში მონაწილეობას მიიღებს 12 უძლიერესი ქალთა ნაკრები.
გუნდები შედგება ოთხი ძირითადი და ორი სათადარიგო მოთამაშისაგან. თორმეტი გუნდი დაიყოფა ორ დაახლოებით ერთნაირი სიძლიერის ჯგუფად.
თითოეული ჯგუფი ითამაშებს წრიული სისტემით ხუთ ტურად. დროის კონტროლი მთელი პარტიის განმავლობაში 45 წუთი, თითოეულ სვლაზე 30 წამის დამატებით.
ტური ფასდება მატჩ-ქულებით, გამარჯვებული იღებს 2 ქულას, ფრე – 1 ქულას, წაგება – 0 ქულას.
ჯგუფის ოთხი საუკეთესო გუნდი გადის მე-2 ეტაპზე.
მონაწილე ქვეყნები:
- 2023 წლის ჩემპიონატის ნახევარფინალისტები : საქართველო, საფრანგეთი, ყაზახეთი და აშშ
- ყველაზე მაღალი რეიტინგის მქონე კონტინენტური გუნდები : ჩინეთი (აზია), უკრაინა (ევროპა), პერუ (ამერიკა) და ალჟირი (აფრიკა)
- ინდოეთი და FIDE-ს სახელით მოასპარეზე გუნდი, 2025 წლის აგვისტოს საშუალო რეიტინგის მიხედვით
- ესპანეთი, როგორც მასპინძელი ქვეყანა
- უზბეკეთი, ნომინირებული ფიდეს პრეზიდენტის მიერ.
აღშანიშნავია, რომ საქართველოს ნაკრები ტურნირში მოქმედი ჩემპიონის ტიტულით ითამაშებს.
საქართველოს გუნდის შემადგენლობა:
- ბაციაშვილი ნინო
- ჯავახიშვილი ლელა
- ხოტენაშვილი ბელა
- არაბიძე მერი
- კირთაძე ანასტასია
- მგელაძე კესარია
გუნდის კაპიტანი: საერთაშორისო დიდოსტატი სალომე მელია
გუნდის მწვრთნელი: სერგეი მოვსესიანი.
ტურნრის განრიგი:
