საქართველოს ჭადრაკის ფედერაციის ორგანიზებით, 22 ივნისიდან 3 ივლისამდე, ბათუმი ფიდეს მსოფლიო თასს უმასპინძლებს 8-12 წლამდე ჭაბუკთა და გოგონათა შორის. აღსანიშნავია, რომ ღონისძიება პირველად ტარდება და მისი სულის ჩამდგმელი ფიდეს სპეციალურ დავალებათა დირექტორი, საქართველოს ჭადრაკის ფედერაციის პრეზიდენტი აკაკი იაშვილია.
ღონისძიების ფინანსური მხარდამჭერებია: საქართველოს კულტურისა და სპორტის სამინისტრო, აჭარის ავტონომიური რესპუბლიკის განათლების, კულტურისა და სპორტის სამინისტრო და სპორტის დეპარტამენტი. ღონისძიების მხარდამჭერებია: ქალაქ ბათუმის მერია, აჭარის ჯანდაცვის სამინისტრო და აჭარის ტურიზმისა და კურორტების დეპარტამენტი.
ტურნირი გაიმართება სასტუმრო ”ეუფორიაში”.
ასპარეზობაში მონაწილეობას მიიღებს 40 ქვეყნის 300-მდე სპორტსმენი. თითოეულ კატეგორიაში მოთამაშეთა რაოდენობა განსაზღვრულია ფიდეს მიერ დადგენილი კვოტებით ტურნირის დებულების მიხედვით.
შეჯიბრი ჩატარდება ორ ეტაპად:
● ეტაპი 1 – შვეიცარიული სისტემით 7 ტურად
● ეტაპი 2 – ერთმანეთს შეხვდებიან თითოეული ჯგუფიდან ერთსა და იმავე ადგილზე გასული მოთამაშეები
განრიგი:
| 22 ივნისი | ჩამოსვლის დღე | |
| 23 ივნისი | 10:00 | კაპიტნების შეხვედრა |
| 23 ივნისი | 14:30 | გახსნა |
| 23 ივნისი | 15:00 | 1 ტური |
| 24 ივნისი | 15:00 | 2 ტური |
| 25 ივნისი | 15:00 | 3 ტური |
| 26 ივნისი | 15:00 | 4 ტური |
| 27 ივნისი | 15:00 | 5 ტური |
| 28 ივნისი | 15:00 | 6 ტური |
| 29 ივნისი | 15:00 | 7 ტური |
| 30 ივნისი | მსოფლიო ჩემპიონატი კომპოზიციების ამოხსნაში | დასვენების დღე |
| 30 ივნისი | ოფიციალური მწვრთნელების ტურნირი | დასვენების დღე |
| 1 ივლისი | 15:00 | გახსნა |
| 2 ივლისი | 12:00 | 1 ტური |
| 2 ივლისი | ტაი – ბრეიკები | |
| 2 ივლისი | 20:00 | დახურვა |
| 3 ივლისი | გამგზავრება |
თითოეულ კატეგორიაში გამარჯვებული საუკეთესო სამი მოთამაშე დაჯილდოვდება თასით, მედლით, დიპლომით და ფასიანი საჩუქრებით, როგორიცაა MacBook Air 2022, iPhone 15 ან iPad.
