საქართველოს ქალთა 78-ე ჩემპიონატის უმაღლესი ლიგა

საქართველოს ჭადრაკის ფედერაციის ორგანიზებით, 12-22 ივნისს, ქ. თბილისის ჭადრაკის სასახლეში იმართება საქართველოს ქალთა 78-ე ჩემპიონატის უმაღლესი ლიგა.

უმაღლეს ლიგაში თამაშის უფლება მოიპოვეს:

1. საქართველოს ქალთა 77-ე ჩემპიონატის პრიზიორებმა;
2. საქართველოს 2019 წლის ქალთა ეროვნული I ნაკრების წევრებმა;
3. საქართველოს 2020 წლის ჩემპიონმა 20 წლამდე გოგონათა შორის;
4. I ლიგის სამეულმა;

სისტემა და დროის კონტროლი:

ტურნირი უნდა გამართულიყო ფიდე-ს წესებით, წრიული სისტემით, 10 მონაწილეს შორის, თუმცა, ერთ-ერთ მონაწილეს ნია დონღვანს ბოლო მომენტში აღმოაჩნდა კოვიდ 19 და მოუწია ტურნირიდან გამოთიშვა. ღონისძიება გაგრძელდება დებულების მიხედვით, მხოლოდ 9 მონაწილეს შორის.

დროის კონტროლი: თითოეულ მონაწილეს მიეცემა 90 წუთი 40 სვლაზე, შემდეგ 30 წუთი პარტიის ბოლომდე, პირველი  სვლიდან   ბოლომდე ყოველ სვლაზე 30 წამის დამატებით.   

განრიგი:

გამარჯვებულნი:

I ადგილზე გასული მოჭადრაკე, დასახელდება საქართველოს ქალთა ნაკრების წევრობის კანდიდატად;

I-III  ადგილზე გასული მოჭადრაკეები დაფინანსდებიან 2021 წლის ევროპის ქალთა ჩემპიონატზე, იმ შემთხვევაში თუ ჩემპიონატი ჩატარდება 2021 წლის განმავლობაში;

I-III  ადგილზე გასული მოჭადრაკეები დაიშვებიან 2022 წლის საქართველოს ქალთა 79-ე  ჩემპიონატის უმაღლეს ლიგაში.  

დაჯილდოება:

I ადგილზე გასული მოჭადრაკე დაჯილდოვდება თასით;

I-III  ადგილზე გასული მოჭადრაკეები დაჯილდოვდებიან მედლებით და დიპლომებით;

I-X ადგილზე გასული მოჭადრაკეები დაჯილდოვდებიან ფულადი პრიზებით.

 საპრიზო ფონდი: 25000 ლარი.

მონაწილეთა სია:

ჩემპიონატში თამაშის უფლება 2 ბათუმელს ჰქონდა მოპოვებული: ნინო ბაციაშვილს და სალომე მელიას. სალომემ (ოჯახის ტრაგედიიდან გამომდინარე) უარი განაცხადა ტურნირში მონაწილეობაზე, ნინო კი შეეცდება დაიცვას ტიტული და ერთბაშად მოემზადოს მსოფლიო თასის გათამაშებისთვის.