საქართველოს დამსახურებული მწვრთნელის გურამ ჭანტურიას მემორიალი

აჭარის ჭადრაკის ფედერაციის ორგანიზებით და აჭარის სპორტის დეპარტამენტის ფინანსური მხარდაჭერით, 24 სექტემბერს, მუხრან ვახტანგაძის სახელობის ბათუმის სპორტის სასახლეში საქართველოს დამსახურებული მწვრთნელის გურამ ჭანტურიას მემორიალი გაიმართება.

ტურნირის კატეგორიები: ღია და 12 წლამდე.

ჩატარების სისტემა:

ტურნირი ჩატარდება ფიდეს წესებით, შვეიცარული ან წრიული სისტემით 9 ტურად.

აუცილებლობის შემთხვევაში ტურნირის ჩატარების სისტემას განსაზღვრავს  ორგანიზატორი. ტურნირში ფიდეს რეიტინგის დათვლას განსაზღვრავს ორგანიზატორი მონაწილეთა რეგისტრაციის დასრულების შემდეგ.

მონაწილენი:

საქართველოსა და მსოფლიოს ჭადრაკის ფედერაციის წევრები.

 დროის კონტროლი 12 წლამდე კატეგორიაში:

• თითოეულ მონაწილეს მიეცემა 5 წუთი პარტიის ბოლომდე, თითოეულ სვლაზე 2 წამის დამატებით.

 დროის კონტროლი ღია ტურნირში:

• თითოეულ მონაწილეს მიეცემა 3 წუთი პარტიის ბოლომდე, თითოეულ სვლაზე 2 წამის დამატებით.

რეგისტრაციის ბოლო ვადაა  2023 წლის 23 სექტემბრის 20.00 საათი.

რეგისტრაციის  ბოლო ვადის დარღვევის შემთხვევაში ორგანიზატორს უფლება აქვს არ დაარეგისტრიროს  მოჭადრაკე, რომელმაც დაარღვია რეგისტრაციის ვადები.

სარეგისტრციო ბმული – https://forms.gle/oYNczFbpsRZpK5qz5

12 წლამდე კატეგორიის ჩატარების დრო:

• ტურნირის გახსნა – 12:00 სთ.
• I ტური – 12:30 სთ.
• ყოველი მომდენვო ტური დაიწყება პარტიების დასრულების შემდეგ.
• ტურნირის დახურვა – 16:30 სთ

ღია კატეგორიის ჩატარების დრო:

• ტურნირის გახსნა – 13:30 სთ.
• I ტური – 14:00 სთ.
• ყოველი მომდენვო ტური დაიწყება პარტიების დასრულების შემდეგ.
• ტურნირის დახურვა – 16:30 სთ

საერთო წესები:

პარტიის მსვლელობისას მობილურის დარეკვის შემთხვევაში მონაწილეს ჩაეთვლება წაგება. 

  გამარჯვებულები:

ღია კატეგორიაში I, II, III  საპრიზო ადგილზე გასულები და 3 საუკეთესო ქალი დაჯილდოვდებიან  მედლებით, დიპლომებით და ფულადი ჯილდოთი, ხოლო კატეგორიის გამარჯვებული აგრეთვე  თასით. ( თუ ქალი დაიკავებს საპრიზო ადგილებს როგორც ღია, ასევე ქალთა კატეგორიაში, მას გადაეცემა უმაღლესი ადგილის პრიზი).

ღია კატეგორია:

I ადგილი – 200 ლ.

II ადგილი – 150 ლ.

III ადგილი – 100 ლ.

ქალთა ნომინაცია:

I ადგილი – 100 ლ.

II ადგილი – 80 ლ.

III ადგილი – 70 ლ.

(პრიზები დაიქვითება საქართველოს კანონმდებლობის შესაბამისად. მონაწილეს 2 ნომინაციაში გამარჯვების შემთხვევაში გადაეცემა უმაღლესი ჯილდო).    

12 წლამდე კატეგორიაში I, II, III  საპრიზო ადგილზე გასულები და 3 საუკეთესო გოგონა დაჯილდოვდებიან ფასიანი საჩუქრებით, მედლებითა და დიპლომებით – კატეგორიის გამარჯვებული აგრეთვე  თასით.

ტურნირის დირექტორი: საერთაშორისო დიდოსტატი სალომე მელია

მთავარი მსაჯი: ეროვნული არბიტრი ალექს ტერ-კარაპეტიანი