საქართველოს ჭადრაკის ფედერაციის ორგანიზებით, 22 თებერვლიდან 2 მარტის ჩათვლით, თბილისის ჭადრაკის სასახლეში საქართველოს ჩემპიონატი 9,11,13 და 15 წლამდე ჭაბუკთა და გოგონათა შორის – ვახტანგ ქარსელაძის მემორიალი გაიმართა.
სისტემა და კვალიფიკაცია:
- ტურნირი ჩატარდა ფიდეს წესებით, შვეიცარული სისტემით 9 ტურად.
- ფედეს რეიტინგი ითვლებოდა 11,13 და 15 წლამდე ასაკის ჭაბუკთა და გოგონათა ტურნირებში.
დროის კონტროლი:
ყოველ პარტიაზე თითოეულ მონაწილეს მიეცა 90 წუთი პარტიის ბოლომდე, ყოველ სვლაზე 30 წამის დამატებით.
ღონისძიებაში ჯამში 254 მოჭადრაკე მონაწილეობდა, აქედან აჭარას 16 სპორტსმწნი წარადგენდა:
- გიორგი გოგიაშვილი – 15 წლამდე ჭაბუკთა შორის
- გიორგი ჭანტურია – 15 წლამდე ჭაბუკთა შორის
- შოთა ცეცხლაძე – 15 წლამდე ჭაბუკთა შორის
- მარიამ ცეცხლაძე – 15 წლამდე გოგონათა შორის
- ლულუ დიასამიძე – 15 წლამდე გოგონათა შორის
- მარიამ კალანდაძე – 15 წლამდე გოგონათა შორის
- შოთა დოლიძე – 13 წლამდე ჭაბუკთა შორის
- სანდრო გოგუაძე – 13 წლამდე ჭაბუკთა შორის
- ანეტა ქედელიძე – 13 წლამდე გოგონათა შორის
- რატი დიასამიძე – 11 წლამდე ჭაბუკთა შორის
- დემეტრე მახარაძე – 11 წლამდე ჭაბუკთა შორის
- ნინო ნაკაშიძე – 11 წლამდე გოგონათა შორის
- მერაბ ბალაძე – 9 წლამდე ჭაბუკთა შორის
- საბა სარჯველაძე – 9 წლამდე ჭაბუკთა შორის
- თევდორე ცინცაძე – 9 წლამდე ჭაბუკთა შორის
- მარიამ გოგუაძე – 9 წლამდე გოგონათა შორის
აღსანიშნავია, რომ აჭარის მონაგარში1 ოქროს, 1 ვერცხლისა და 1 ბრინჯაოს მედალია.
11 წლამდე ჭაბუკთა შორის, 9-დან 7.5 ქულით, საქართველოს ჩემპიონის ტიტულის მფლობელი ბათუმელი რატი დიასამიძე გახდა! მწვრთნელი – თენგიზ დიდმანიძე. აღსანიშნავია, რომ რატიმ ასევე მოიპოვა ევროპის ჩემპიონატის საგზური, რომელიც ირლანდიაში გაიმართება.
15 წლამდე გოგონათა შორის, 9-დან 7.5 ქულით მეორე ადგილზე გავიდა მარიამ ცეცხლაძე, მწვრთნელი – დავით მაღალაშვილი. 9-დან 6.5 ქულით კი ბრინჯაოს მედლის მფლობელი ლულუ დიასამიძე გახდა, მწვრთნელი – გიგა ყუფარაძე.
